In molte poesie non e' citato l'autore, se riconoscete qualche vostro componimento, o sapete indicare qualche autore, saro lieto di aggiungerlo
IL TERREMOTO ALLA MORTE DI GESU'
Te sciuvitìa la notte se zziccau,
quannu vinne Giuvanni e a le porte ne tuzzau.
-Timme, Giuvanni, pe quantu amore portu:
Fijuma è biu o veramente mortu?-
Ieu me partei e scei,
cu le tre suluri mei;
e la prima porta ci cchiàì
te fijuma dimmannnàì.
Addhru sciu ddhra mamma dulente
ci secutava na dila te gente?
Addhrai ncera nu malificu ci ne la discacciava
na spinta ci ne tiene, a ddhra mmezzu la jentulàra.
Quannu te la croce l'à vista spinta e dulente,
a lu sou fiju ne tras'u na spinta intra la mente.
Sulu na goccia d'acqua creau,
cu citu e fele la gente bona ne la preparau.
Quannu le sù òabbra ne tuccara, i denti ne catèra, le vine se
ritirara, l'aria scurìu, lu mare quajàva. i pesci traballare, li
morti suscitara.
Ci l'à fattu lu bene te la gloria noscia,
tantu bene ci ne mmoscia?
Ci la dice e ci la sente,
quaranta giurni te dulucenze;
ci la tice te veru core,
a mparatisu và quannu more
LA SAMARITANA
So arrivato stanco e lasso del mio troppo camminar
pe trovare un puzzo e un sasso per potermi riposar.
Qui mi fermo, qui l'aspetto, una donna a da venire,
(perche pure il mio dialetto viene st'alma a convertire?)
- O cara mia figliola, dammi un sorso per pieta'-
- Non ci'ò pozzo, non ci'ò secchio, non ci'ò acqua a darti a bere-
- La tua ruggine è tanto antica, che lavarsi non potrà?-
- Ma tu che sei profana? o maestro strolacante!-
- Io ti dico:- Va a chiamare tuo marito-
- Mio marito?Non ci'ò marito-
- Ti dico: cinque pur n'avessi, e non è tuo quello che v'è-
- Ma tu che sei profeta? ancor ti dico, o già pure mio Signore?
La storia di Samaritana è gia compiuta,
cu soni e cu canti a mparatisu e sciuta
MAMMINEDDHRU ZZUCCARATU
Mmammineddhru zuccaratu
timme, timme, percè sì nati?
e si natu pe l'amore
Mmammineddhru meu te core.
Me rubbasti lu core meu,
mmammineddhru sposu meu.
Lu Mmamminu cammina pe casa
la Matonna se china e lu vasa.
San Giuseppe cu l'occhi d'amore,
lu zicca, lu vasa e ne dona lu core.
